Բ. Երգիչների համար. կենսակերպ, վարքագիծ, բարոյականություն

Բոլոր այս խորհուրդները բերվում են Ջ. Քրոուեսթի «Խորհուրդներ երգիչներին» գրքից: Գիրքը հրատարակվել է քսաներորդ դարի սկզբին, Մեծ Բրիտանիայում:

ՍՈՎՈՐՈՒՅԹՆԵՐԻ, ՍՆՆԴԱԿԱՐԳԻ և ԱՅԼՆԻ ՄԱՍԻՆ:

Հետևյալ պարբերությունները պարունակում են հուշումներ տարբեր թեմաների շուրջ, որոնք ակնհայտորեն շատ կապ չունեն երգեցողության հետ, ինչևէ քիչ թե շատ կարևոր են երգչի համար: Ձայնը և այն գործածելու զորությունն այնքան են կախված ընդհանրապես առողջությունից, իսկ առողջությունն այնպես հեշտորեն է ենթարկվում սովորույթներին, որ ես առանց համեստության կխոսեմ այնպիսի մանրամասների մասին, որոնք գրելը և գրված լինելիս հետո ընթերցելը բավականին հեշտ է, այնինչ դժվար կլիներ ուսուցչի համար առանց ուսանողին վիրավորելու դրանց մասին խոսելը:

Վաղ արթնանալ

Սովորեք վաղ արթնանալուն, և եթե հնարավոր է, կարճ զբոսանք կազմակերպեք մինչև նախաճաշելը: Սա արյան շրջանառությունը պահում է լավ վիճակում, և դա, իհարկե, խիստ կարևոր է թոքերի և բոլոր այն օրգանների համար, որոնք երգեցողության մեջ ներգրավվում են ուղղակիորեն:

Մաքրապահություն

Խստաշունչ մաքրապահությունը մեծագույն կարևորություն ունի: Ամեն առավոտ արթնանալուն պես ընդունեք սառը ցնցուղ: Դես ու դեն մի ընկեք, այլապես կմրսեք, այլ ուղիղ գնացեք բաղնիք քանի դեռ մաշկը խոնավ է քրտինքով, որը պատճառել է անկողնի տաքությունը: Եթե թույլ տաք, որ քրտինքը չորանա և դրանից հետո սառը ջրի տակ կանգնեք, կարող եք ուժգնորեն մրսել: Ձեր մարմինը լավ ու արագ շփեք ամբողջությամբ, հատկապես կուրծքը, կոկորդը, պարանոցի ետնամասը, և մեջքի ստորին հատվածը: Մարմինը լավ ու արագորեն չորացրեք կոշտ սրբչով: Թող որևէ երիտասարդ աղջիկ չվախենա դեմքի գույնն այս շատ առողջարար և անհրաժեշտ միջոցառմամբ փչացնելուց:

Խստաշունչ մաքրապահությունը մեծագույն կարևորություն ունի:

Ձմռանը, եթե արյան շրջանառությունը բնականորեն դանդաղ է, լոգանքը կատարելապես սառը ջրով չպետք է արվի, այլ ավելացվի տաք ջուր այնքանով, որ խիստ սառնությունն անցնի: Լոգանքը պետք է թվա, թե սառն է, չնայած շատ սառը չպետք է լինի:

Լավ է գոլ լոգանք ընդունել շաբաթը մեկ (եթե դա հնարավոր է) անգամ, անկողին մտնելուց առաջ: Այն տաք չպետք է լինի, այլ՝ գոլ, և իհարկե սապոն օգտագործեք: Շատ մի երկարացրեք գործընթացը, և ավարտին պես միանգամից անկողին մտեք: Եթե զգաք, որ այն ուժասպառ է անում կամ թուլացնում է, հաջորդ անգամ պակաս տաք արեք այն: Նպատակն ուղղակի մաշկի ծակոտիները բաց անելն է, որը մեծ կարևորություն ունի:

3 մազեր

Խիստ մաքրասիրության նույն կանոնը վերաբերում է նաև մազերին. մազերը ուղիղ կապ ունեն արյան շրջանառության և մարմնի ծակոտիների հետ: Մազերը լավ սանրեք, և դրանք հաճախ կտրեք և շամպունով լվացեք: Խուսափեք հոտավետ քսուքներից և ամեն տեսակի յուղալի հեղուկներից. դրանց բույրն առարկելի է, իսկ գործառույթն է ընդհանուր առմամբ կեղտոտել գլուխը: Ավելին, հանրությունը կարողանում է տեսնել, երբ արտիստն ակնհայտորեն «անպատրաստ» (անմաքուր) է: Այն անհատը, ով սովորաբար հնարավորինս չափ կոկիկ է, երբեք չպետք է վախենա հանրությանը ներկայանալիս, և իր գլուխը կարող է փրկել կոկիկ թվալու համար «յուղի» զզվելի գործածումից:

Եթե բեղ եք պահում, այն խնայեք, և մի թույլ տվեք, որ այն բերանը ծածկի, որի դեպքում այն կազդի ձայնի տոնի վրա: Այն հենց շուրթի վերևում մի կտրեք, այլ ձախ և աջ բացեք՝ թույլ տալով, որ այն աճի բնական հունով և այդ հատվածում չլինի չկտրված: Բեղերն ունեն երկու առավելություն. որոշ չափով նրանք գործում են որպես շնչադիմակ և պաշտպանում են բերանն ու կոկորդը, ինչպես որ թարթիչը պաշտպանում է աչքը, և այն թույլ է տալիս երգելիս թաքցնել բերանի ձևի թեթև աղավաղումը: Սա, խոստովանում եմ, կասկածելի առավելություն է. որևէ աղավաղում չպետք է լինի, և եթե կա, գուցե պետք է ուղղվի: Ինչևէ, ես նշում եմ, թե ինչպես այն կարող է լինել օգտակար:

Ատամներ

Ատամներն այնքան կարևոր դեր են կատարում ձայնարտադրության գործում, որ ամեն ձևով պետք է դրանք առողջ ու լավ պայմաններում պահել, էլ չնշեմ, թե ինչ դեր են դրանք կատարում դիմային արտահայտչականության համար. մի կետ, որի նկատմամբ յուրաքանչյուր երգիչ պետք է ուշադիր լինի: Ատամների վատ վիճակը միանգամից ազդում է ստամոքսի վրա, իսկ դա՝ ձայնի, ուստի որևէ անհարմարություն չկա ուսանողի ուշադրությունն այս խնդիրն հրավիրելու գործում: Ատամները մաքրեք արթնանալուն պես առավոտյան, և քնելուն պես գիշերով: Օգտագործեք չափավոր կոշտ խոզանակ, ավելի լավ է շատ փափուկ, քան՝ շատ կոշտ, սառը, իսկ ավելի լավ է՝ գոլ ջրով: Խուսափեք ամեն տեսակի ատամնափոշիներից և «անուշահոտ» ողողումներից: փոշիացրած (ոչ «պատրաստի») կավճի և մանուշակի արմատների խառնուրդը, երեքը երկուսին համամասնությամբ, լավագույն բանն է օգտագործելու համար, և ցանկացած դեղագործ դա ձեզ համար կպատրաստի:

Ատամների վատ վիճակը միանգամից ազդում է ստամոքսի վրա, դա էլ՝ ձայնի:

Հիշեք ատամները մաքրել նաև ներսից և մաքրել նաև վերևի ատամները, ինչպես նաև դրսից, և եթե սա բարդ է անել սովորական ձև ունեցող խոզանակով, գնեք այլ ձևի խոզանակ: Եթե, չնայած հոգատարությանը, հանկարծ ատամների գույնն ընկնի, պատճառը հավանաբար ստամոքսի հետ խնդիրներն են: Այդ դեպքում միանգամից բժշկի գնացեք, քանզի նման խանգարման հետևանքն այն է, որ ատամների վրա առաջանում են ատամնաքարեր, և դրանք շատանում են, լնդերի վրա են ազդում՝ փոխելով բերանի խոռոչի ձևը, և ուստի ազդում ձայնի տոնի վրա:

5 մարզում

Ինչքան կարող եք շատ ժամանակ անցկացրեք մաքուր օդին: Չափավոր քայլելով մարզվեք, բայց իհարկե ինքներդ ձեզ մի հոգնեցրեք երգելուց կամ փորձից առաց: Արական սեռի երգիչների համար ընտիր են թիավարումը, ձիավարությունը, ֆուտբոլը և կրիկետը (բայց առանց բղավելու այդքան հաճախ, ինչը բնորոշ է այս խաղերին), սեղանի թենիսը և ամենից շատ շաբաթական մեկ կամ երկու ժամ մարզասրահում անցկացնելը: Տիկնանց համար էլ քայլելը, ձիավարությունը, թենիսը և ռիթմիկ գիմնաստիկան հավասարապես օգտակար են:  Եթե դուք ապրում եք ոչ մեծ քաղաքում, միշտ քայլեք տեղափոխման այլ միջոցներից օգտվելու փոխարեն, երբ օրվա ժամն ու եղանակը հարմար են:

Քայլելիս երբեք մի շնչեք ձեր բերանով, հատկապես գիշերը, կամ երգելուց հետո բնության գիրկ դուրս գալիս: Շուրթերը փակ պահեք, և օդը քաշեք քթանցքների միջով: Սա հեշտ է սովորել, և սա անել կարողանալու դեպքում երգելիս շնչառությունն ավելի լավ կաշխատի: Բայց դրսում գտնվելիս ամենակարևոր բանն է կանխել սառը կամ խոնավ օդի հպումը կոկորդի նուրբ օրգաններին, հատկապես երբ վերջիններս երգելու հետևանքով գրգռված են: Սա վտանգավոր է: Լավ գաղափար է, և ժամանակի առումով էլ օգտավետ, շնչառական վարժություններ անել քայլելիս՝ թոքերն օդով լցնելով և այդ օդը հնարավորինս երկար արտաշնչելով:

Հագուստ

Ոչ մի լավ բան չենք կարող ասել երգելու համար մեր կլիմայի անբարենպաստության կապակցությամբ: Պատշաճ նախազգուշության ցուցաբերման դեպքում, ինչևէ, դրա հետևանքով բազմաթիվ բարդություններ կարող են կասեցվել: Ամռանը, ինչպեսև ձմռանը, օրինակ, հեղինակը խստորեն կքաջալերի չափավոր հաստ կոշկատակերով կոշիկներ կրելը: Եվ, նորից, պարանոցն ու կրծքավանդակը երբեք չպետք է բաց լինեն հունիսյան արևի և դեկտեմբերյան ցրտի համար: Փոխարենը դրանք պետք է չափավոր ձևով ծածկված լինեն: Պետք է աշխատել երբեք չթացանալ, հատկապես չթացացնել կամ խոնավացնել ոտքերը:

Տաք սենյակներից բաց տարածքներ դուրս գալիս պետք է կրծքավանդակն ու կոկորդը փակ պահել վերարկույով կամ թիկնոցով, ինչքան էլ եղանակը տաք լինի: Խիստ ցրտաշունչ ձմեռային եղանակին երգիչը բավականաչափ հարմարավետություն կբացահայտի՝ կրելով կուրծքը պաշտպանելու համար նախատեսված բրդից կամ բամբակից պատրաստված հագուստ: Այգիներում և բաց տարածքներում երեկոներին և անգամ շատ տաք օրերին ժամանակ անցկացնելն իր արվեստի ետևից սլացող ուսանողի համար ամենաապահով նախաձեռնություններից չէ:

Մեկ այլ հարկավոր նախազգուշացում, ինչևէ, կապված է «փաթեթավորվելու» հետ: Չափից շատ հագուստ մի կրեք: Կոկորդն անընդհատ հագուստով փաթաթած պահելու դեպքում այն դառնում է փխրուն և դյուրազգաց: Միայն պետք է վախենաք խոնավ, ոչ սառը եղանակից: Կոկորդի համար հատուկ նախատեսված ծածկոցներն առաջացնում են քրտինք, և մրսելու ռիսկն ավելի է մեծանում դա հեռացնելիս, քան դա ընդհանրապես չկրելիս: Ողջախոհությունը պետք է առաջնորդի յուրաքանչյուրին: Անհնար է կանոն գրել բոլորի համար:

Սննդակարգ

Ինչ վերաբերում է սննդակարգին, խուսափեք այն ամենից, ինչն անմարսելի է: Լավ կյանք վարեք, և բազմազան սնունդ ընդունեք: Երգչի համակարգը (մարմինը) պետք է լավ սնուցվի: Շոկոլադն ու սուրճն ավելի լավ են, քան թեյը. վերջինս չափազանց տպիպ (կպչուն) է և չափազանց ուժեղ է ազդում նյարդերի վրա, եթե շատ խմեք: Շաքարը, չափավոր, պետք է միշտ օգտագործվի այս ըմպելիքների հետ, որոնք չափազանց տաք վիճակում չպետք է ըմպել: Թարմ հացն ավելի լավ է, քան բովածը (տոստ արած), բայց խուսափեք նորաթուխ կամ տաք հացից: Ձու և կարագ օգտագործելը լավ է: Միսը պետք է պարզ վիճակով եփվի, և չեփվի չափազանց: Խոզի միսը մարսողության վրա ծանր է նստում, որպեսզի երգչի համար ցանկալի սնունդ լինի, և նույնը կարելի է ասել հորթի մսի մասին: Երգչի համար ձուկը լավ է, և հնարավորության դեպքում այն պետք է դառնա նրա սննդակարգի ամենօրյա մաս: Սերուցքներն ու խմորեղենն ուղղակի թույն են, իսկ պանիրը պետք է ուտել միայն խիստ սահմանափակ չափաբաժիններով: Միրգն ընտիր բան է, եթե խելամտորեն օգտագործվի: Բայց այս դեպքում, կրկին, հստակ և արագ կանոններ թելադրելն անհնար է, որովհետև (մարդկանց) մարմինների կերտվածքները տարաբնույթ են: Միայն հիշեք հին ասացվածքը.

«Մենք պետք է ուտենք ապրելու համար, ոչ թե ապրենք ուտելու համար»

Երբեք մի պարապեք կամ երգեք դատարկ ստամոքսով, կամ սնունդ ընդունելուց անմիջապես հետո: Երկու դեպքում էլ անմտորեն կծանրաբեռնեք ձեր մարսողական օրգանները, և այդպիսով վնաս կհասցնեք ձեր ձայնին: Սնունդ ընդունելուց հետո ստամոքսին պետք է գալիս մարմնի ողջ էներգիան. առողջ մարդու մոտ սովորաբար վերջույթները կսառեն կշտանալուց հետո, իսկ դրա պատճառն այն է, որ մարսողական օրգաններն օգտագործում են ողջ ջերմությունն ու արյունը, որը մարմինը կարող է տալ իրենց հատուկ աշխատանքի նպատակով: Բնությունն այսպիսով մյուս օրգաններին այդ պահին հանգիստ է տալիս, և չպետք է պայքարեք Բնության դեմ՝ փորձելով կիրարկել այնպիսի խստապահանջ ֆիզիկական լարվածություն, ինչպիսին որ ձայնային պարապմունքներն են պահանջում:

Բոլոր թթուներն ու կպչուն նյութերը վատ են առողջ կոկորդի և ստամոքսի համար:  Քացախից, խիստ բուրումնավետ համեմունքներից (սոուսներից), նուշեղենից ու չամիչներից, ամեն տեսակի ընկուզեղենից պետք է խուսափել: Սրանցից որոշներն օգտակար են որպես դեղեր հանգիստ վիճակում գտնվող կոկորդի համար, նաև կոկորդի արյունախառնման դեպքում, անկասկած: Բայց ես ուղղակի խոսում եմ այն մասին, թե ինչ է անհրաժեշտ առողջ վիճակում գտնվող մարդուն: Մրսածության, խռպոտության կամ ցանկացած տեսակի տկարության դեպքում իմ դեղատոմսն է. «Ինքնաբուժությամբ մի զբաղվիր, այլ (ինչպես Աբերնեֆթին է ասել) «խորհուրդ փնտրիր»»:

Շատ զգույշ եղեք նաև չափավոր ալկոհոլի օգտագործման հարցում: Բրենդին հաստատապես վնասակար է, այն տաքացնում և բորբոքում է կոկորդը, նաև փորկապություն է առաջացնում: Ջինը կամ վիսկին ամենաողջամիտ խմիչքներն են, բայց երկուսից էլ խմեք հնարավորինս քիչ: Եթե գարեջուր կամ ստաուտ (թունդ պորտեր) եք օգտագործում, վերցրեք չֆիլտրածը, և ոչ թե շշովը, և միշտ շատ չափավոր: Ցանկացած տեսակի թշշացող հեղուկ գործածելն առարկելի է, ուստի խուսափեք շամպայնից, Մոզելից, շշալցված էլից և ստաուտից, et hoc genus omne (և նման այլ ցանկացած բանից). Պորտվեյն և խերես (շերի) կոչվող հեղուկները երգեցողության դաժան թշնամիներն են: Լավ պորտվեյնի մի բաժակը հստակ դեպքերում լավ դեղամիջոց է, և նույնը կարելի է ասել շատ չոր Ամոնտիյադոյի մասին, բայց եթե ձեզ հետ ամեն ինչ լավ է, խուսափեք պորտվեյնից և (այսպես կոչված) շերիից, հատկապես ալկոհոլի և «դարչնագույն» շերի անունով հայտնի հատուկ օշարակների խառնուրդից, քանի որ կթունավորեք ինքներդ ձեզ:

Երգիչների համար լավագույն խմիչքը բորդորն է, կամ ցանկացած թեթև գինի՝ ֆրանսիական, գերմանական կամ իտալական: Ես ինքս գտնում եմ, որ վերջինը լավագույնն է, և Բարոլո Սեկոյի (Barolo Secco) կամ Շիանտեի (Chianté) պես գինիներն անարատ են և էժան, և պարունակում են երգչին անհրաժեշտ խմիչքի բոլոր հատկանիշները: Բայց ինչպես միշտ, այս դեպքում էլ չափավորությունը sine quâ non (անհրաժեշտ) է: Հեղուկները հեշտությամբ արյունախառնում կամ լորձ են արտադրում կոկորդում և բերանի գեղձերի վրա, և դա իհարկե ընդհարվում է երգելու գործում ներգրավված մկանների ազատ գործողությունների հետ:

Ծխելը

Որպես ընդհանուր կանոն, կարելի է հստակեցնել, որ ծխելը վատ սովորույթ է երգչի համար՝ արու թե էգ (քանի որ կան նաև կանայք, ովքեր մեր օրերում հպարտանո՛ւմ են նրանով, որ կարող են ծխել): Հիշելով մինչև մեզ ապրած մեծ երգիչներին, ովքեր նաև եղել են մեծ ծխողներ, անհնար է վստահորեն ասել, որ երգիչները չպետք է ծխեն, բայց սա շատ զգուշորեն կիրառվող մի սովորույթ պետք է լինի: Եթե ծխելը ցանկացած դեպքում առաջացնում է արտախխում (էքսպեկտորացիա), ապա պետք է միանգամից թարգ տալ, քանի որ թքելու սովորույթը, որը որոշ երգիչներ (առանց կարիքի) որդեգրում են, իրականում ծխելու մեծագույն չարիքն է. այն թուլացնում է կոկորդը, թոքերը և կուրծքը: Եթե մարդը կարող է ծխել առանց թքելու կամ խմելու, խոստովանում եմ, որ այդ դեպքում ես թութունի մեծ թշնամի չեմ, բայց այդ «եթե»-ն շատ կարևոր է:

Ծխախոտը հստակորեն պաշտպանում է մրսելուց, երբ տաք սենյակից դուրս ես գալիս բաց տարածք, հատկապես երգելուց հետո: Բայց ուժեղ սիգարներից կամ ծխամորճով թութունից պետք է խուսափել, նյարդերի վրա դրանց ազդեցության պատճառով:


4 ուշ ժամ

Խուսափեք ուշ ժամերին արթուն լինելուց: Ձեզ պահանջվում է ոչ միայն քնի որոշակի չափաքանակ, այլև քնել մինչև մարմինն ու միտքը կլինեն չափազանց լարված: Շատ պատճառներով, քաջ հայտնի է, որ մարդու մարմինը միշտ ամենահանգիստ վիճակում է գիշերվա ժամը 2-ից մինչև 5-ը, և ինչքան մոտ ես անկողին մտնում այս ժամերին, ավելի քիչ կարող ես քնից քաղել բոլոր այն օգուտները, որոնք պահանջվում են: Ցանկացած մարդու համար տասներկուսը բավականին ուշ ժամ է:

Մեկ այլ պատճառ, թե ինչու է, որ ուշ ժամերը վատ են, կապված է ոչ այնքան ֆիզիկական փաստերի, ինչքան բարոյականության հետ: Ճիշտ է, կարող է վնաս չկրեք, կամ որևէ չարության զոհ չդառնաք՝ արթուն լինելով ուշ գիշերով, բայց դուք ձեզ ռիսկի եք ենթարկում. մսրել, չափազանց շատ հոգնել, շնչել վատ օդ և այլն, ինչպես նաև բարոյական կերպարից զրկվելու ռիսկ, որը որոշ առումով փխրուն է ինչպես ձայնը, և վնասվում է ոչ միայն իրավախախտմամբ, այլև հասարակության, խոսակցության և գրավոր նյութերի միջոցով, որոնք խավարացնում են դրա լույսը կամ (այլ փոխաբերությամբ ասած) փչացնում են դրա ուրվագծի մաքրությունը՝ ուղղակի հարվածելով անկյուններին: Ամեն դեպքում, ավելի լավ է «գիշերային» կյանքից հեռու լինել:

Բարոյականություն

Երգչի վրա ոչինչ չի կարող այնքան նախապաշարմունքային ձևով ազդել, քան այն ամենը, ինչն անվանում են «արագ» կյանք («կյանքում ամեն ինչ փորձել»): Ուստի ես ուսանողին կհորդորեմ խորհել այդ ազդեցություններից խուսափելու կրոնապաշտության հասնող պահանջի մասին: Դրանք բթացնում են մտքի մաքրությունը, որը հետք է թողնում իրական արվեստի վրա, դրանք սպանում են բանականությունը, որը պահանջվում է արվեստի կողմից, և դրանք վնաս են հասցնում ֆիզիկական զորությանը, առանց որի երգչի ամբողջ սովորածը կդառնա անպետք իրեն համար: Ցանկացած չափազանցություն վատ է, և ինքնակառավարումն ու ինքնավերահսկումը մեծագույն կարևորություն ունեն և՜ բնավորության, և՜ առողջության համար: Անհանգիստ որոշ ուսանողներ վարպետացել են իրենց արվեստի երաժշտական մասով, բայց չեն դիմացել երգիչ դառնալ ցանկացողի վրա բարոյական վարքագծի կողմից պարտադրվող կոշտ պահանջներին: Երգչի համար օգուտ չէ երաժշտապես ուժեղ լինելը և թույլ՝ բարոյապես. երկու վերապատրաստումները ձեռք ձեռքի տված պետք է ընթանան, և ձայնային հզորության համար կառույց ստեղծելիս նա պետք է հոգ տանի այն մասին, որ բարոյական հիմքը միշտ դիմանա համառ ուսուցման ծանրությանը և նրան հնարավորության տա զբաղեցնել լավ դիրք առաջնային տեղ գրավելու համար ընթացող դաժան մրցակցության դաշտում, որն անցկացվում է երգչի փառք ձեռք բերելու և անխուսափելիորեն պատվի արժանանալու նպատակով: Մտապահեք այս հուշումները, դրանց մասին ուշադիր մտածեք, և եղեք ձեր սեփական բարոյականության բժիշկը: Դա կլինի ավելի լավ, քան ցանկացած կտրատված ու չոր կանոնների հետևելը: Եթե ընդհանրապես սխալ եք թույլ տալիս, թող դա լինի ինքնամերժման գործում, որն առաքինություններից ամենաբարդը և հավանաբար ամենաբարձրն է:

Advertisements

Կիսվել կարծիքով

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s